Messi Azərbaycanı təbrik etdi 

Argentinalı ulduz futbolçu Lionel Messi minifutbol üzrə dünya çempionu Azərbaycan millisini təbrik edib.

Supersport.Az xəbər verir ki, bu barədə iş adamı Adnan Əhmədzadə sosial şəbəkə hesabında paylaşım edib.

O, Messinin təbrikinin videosunu paylaşaraq “Futbol əfsanəsindən Azərbaycan xalqına. Təşəkkür edirəm, Leo!” sözlərini yazıb.

Xatırladaq ki, ötən gün Azərbaycan minifutbol yığması Bakıda keçirilən dünya çempionatının qalibi olub. Komandamız final görüşündə Macarıstanı 4:2 hesabı ilə məğlub edərək qızıl medallara sahib çıxıb.