"Tottenham" azlıqda "Qarabağ"ı 3 qolla məğlub etdi - Fotolar

Futbol

462

27 Sentyabr 2024 - 01:29

Supersport.Az-ın məlumatına görə, bu gün UEFA Avropa Liqasının Liqa mərhələsi çərçivəsində İngiltərənin “Tottenhem” klubu Azərbaycan çempionu "Qarabağ"ı qəbul edib.

Qarşılaşma "Qarabağ" tıxaca düşdüyü üçün 35 dəqiqə gec başlayıb.

Birinci hissədə meydan sahibləri azlıqda qalsalar da, fasiləyə üstün yollanıblar. İkinci hissədə London klubu iki qol vurub. Toral Bayramov penalti zərbəsini boşa verib.

"Tottenhem" azlıqda olsa da, 3 qolla qalib gəlib. "Qarabağ"ın futbolçuları bir neçə qol imkanlarını boşa veriblər.

Matçı Fransadan olan hakimlər idarə ediblər. Oyunun baş hakimi Willy Delajod olub.

Avropa Liqası

Liqa mərhələsi, I tur

26 sentyabr

23:00. “Tottenhem” - “Qarabağ” 3:0

Qollar: Brennan Conson 12, Pap Sarr 53, Dominik Solanke 68

Qırmızı vərəqə: Draquşin 8

Boşa verilən penalti: Toral Bayramov 58

Baş hakim: Willy Delajod

Baş hakimin köməkçiləri: Erwan Finjean, Philippe Jeanne

Dördüncü hakim: Thomas Leonard