AFFA-dan Avro-2020-lə bağlı qərar

Dərc etdi: SupersportTarix Aprel 17, 2020 , 20:41 Kateqoriya: FutbolRəy yoxdur

Oxunma sayı: 757

Azərbaycan Futbol Federasiyaları Assosiasiyası (AFFA) Avro-2020-nin 4 müvafiq oyununun 2021-ci ildə Bakı Olimpiya Stadionunda keçirilməsi ilə bağlı rəsmi razılığını artıq UEFA-ya bildirib.

Supersport.Az xəbər verir ki, bu barədə AFFA-nın rəsmi saytı məlumat yayıb.

UEFA İcraiyyə Komitəsinin bu il martın 17-də keçirilmiş iclasında COVİD-19 pandemiyası ilə əlaqədar Avro-2020 turnirinin 2021-ci ildə keçirilməsi barədə qərar qəbul edilib.

AFFA-nın məsələ ilə əlaqədar əlavə müvafiq hüquqi sənədlərin aprelin 30-dək UEFA-ya göndəriləcəyi qeyd olunub.

Xatırladaq ki, Bakı Olimpiya Stadionunda Avro-2020-nin A qrupunun 3 oyunu, 1/4 final mərhələsinin isə 1 qarşılaşması keçiriləcək. A qrupunun Bakıda təşkil olunacaq oyunlarında Türkiyə, İsveçrə və Uels milli komandaları mübarizə aparacaq.

Supersport

Supersport.Az saytı 2009-cu ildə təsis olunub. Yarandığı gündən sayt ölkəmizin idman həyatını, həmçinin idmançılarımızın mötəbər yarışlarda uğurlu çıxışını yüksək səviyyədə təqdim edib. Supersport.Az Mətbuat Şurasının üzvüdür. Saytımızın fəaliyyətinin məntiqi nəticəsi olaraq həm respublikamızın, həm də xarici ölkələrin mətbuat orqanları portalımızın məlumatları və videogörüntülərindən faydalanıb. Supersport.Az-ın internet (youtube) kanalının hazırda 41 mindən 500-dən çox abunəçisi var və 8 milyon 500 mindən artıq baxış olub. Türkiyə, İngiltərə, Rusiya, Fransa və digər ölkələrin mediası saytımızın videogörüntülərindən istifadə edib. Ölkəmizə faydalı olması üçün hətta videoçəkilişlərimiz UEFA-ya da göndərilib. Supersport.Az yaxın gələcəkdə böyük planlar həyata keçirməyə, daha böyük uğurlar əldə etməyə çalışacaq.