"Qarabağ"la "Neftçi" dünya reytinqində irəlilədi

Beynəlxalq Futbol Tarixi və Statistikaları Federasiyası (İFFHS) dünya klublarının yeni reytinq cədvəlini açıqlayıb.

Supersport.Az saytının məlumatına görə, 403 komandanın yer aldığı siyahıda Azərbaycan təmsilçilərindən "Qarabağ" 146.5 xalla 70-cidir. Ağdam klubu əvvəlki siyahı ilə müqayisədə 3 pillə irəlləyib.

"Neftçi" 57.5 xalla 398-cidir. Paytaxt təmsilçisi son reytinqdə 53.75 xalla 469-cu idi.

Siyahıya 359 xalla "Mançester Siti" liderlik edir. "Real Madrid" 332 xalla 2-ci, "İnter" isə 281 xalla 3-cüdür.