Foto-Video: "Real Madrid" çempion oldu, Ançelotti 31-ci kuboku qazandı

İspaniyanın "Real Madrid" klubu Meksikanın  "Paçuka" komandasını məğlub edərək Qitələrarası Kuboku qazanıb.

Qətərin “Lusail İkonik” stadionunda keçirilən oyun 3:0 hesabı ilə başa çatıb.

Matçda hesabı 37-ci dəqiqədə Vinisius Juniorun ötürməsindən fərqlənən Kilian Mbappe açıb. 53-cü dəqiqədə Mbappenin köməyilə Rodriqo qol vurub. 84-cü dəqiqədə Vinisius penaltini dəqiq yerinə yetirib.

"Real Madrid"in baş məşqçisi Karlo Ançelotti kluba 15-ci kuboku qazandlraraq komandasının tarixinə düşüb. Ançelotti 14 dəfə uğur qazanan Migel Munyosu keçib. Ançelotti "Yuventus", "Milan", "Çelsi", PSJ və "Bayern Münxen"ə də titullar qazandırıb.