"Araz-Naxçıvan" yunan klubunu məğlub etdi

"Araz-Naxçıvan" bu gün avrokuboklarda mübarizəyə start verib.

Supersport.Az saytının məlumatına görə, Naxçıvan təmsilçisi Konfrans Liqasının 2-ci təsnifat mərhələsinin ilk oyununda Yunanıstan "Aris"i ilə qarşılaşıb.

Azərbaycan klubu yunan komandasını 2:1 hesablı məğlub edib.

Bu komandalar arasında cavab matçı isə iyulun 31-də Yunanıstanda oynanılacaq və Bakı vaxtı ilə saat 22:15-də başlayacaq. Cütün qalibi 3-cü təsnifat mərhələsində "Omonia" (Kipr) - "Torpedo" (Kutaisi, Gürcüstan) cütünün güclüsüylə üz-üzə gələcək.

UEFA Konfrans Liqası

II təsnifat mərhələsi, ilk oyun

24 iyul

20:00. "Araz-Naxçıvan" (Azərbaycan) - "Aris" (Yunanıstan) 2:1

Qollar: Felipe Santos, 75, Patrik Andrade 78 - Loren Moron, 66

Baş hakim: Andrey Kivulete (Rumıniya)

"Dalğa Arena"