"Qarabağ" dünya reytinqində irəlilədi

Beynəlxalq Futbol Tarixi və Statistikaları Federasiyası (İFFHS) aprel ayı üçün dünya klublarının reytinq cədvəlini açıqlayıb.

Supersport.Az xəbər verir ki, 501 klubun yer aldığı siyahıda Azərbaycanın dörd klubu - “Qarabağ”, “Zirə” və “Sabah”, “Araz-Naxçıvan" yer alıb.

Ağdam təmsilçisi 143,5 xalla 124-cü yerdən 114-cü yerə yüksəlib. 

“Zirə” 220-ci yerdən 233-cü yerə (94,5) düşüb. 

“Sabah” 393-cü yerdən 367-ci yerə qalxıb.  “Araz-Naxçıvan” 492-ci yerdən 454-cü yerə irəliləyib (58,75). 

“Real Madrid” 490 xalla reytinqdə birincidir.  "Barselona" 434 xalla ikincidir. Çempionlar Liqasının finalına vəsiqə qazanan "İnter" 390 xalla iki pillə irəliləyərək üçüncü yerə yüksəlib.