AFFA-nın mətbuat katibi Elnur Məmmədli qanunları pozur
Aprelin 3-də Serbiyanın paytaxtı Belqradda UEFA-nın 49-cu Konqresi keçiriləcək.
Supersport.Az-ın xəbərinə görə, tədbirdə quruma üzv olan 55 milli federasiyanın nümayəndələri iştirak edəcək. AFFA rəhbərliyi də bu mötəbər toplantıya qatılacaq.
Supersport.Az tədbirdə ölkəmizi kimlərin təmsil edəcəyi ilə bağlı AFFA-nın mətbuat xidmətinin rəhbəri Elnur Məmmədliyə müraciət etsə də, o, bundan imtina edərək, "Sabah bu məlumatı saytımıza qoyacağıq" deyib. AFFA-nın mətbuat katibi Elnur Məmmədli bu hərəkətiylə Azərbaycan Respublikasının "Kütləvi İnformasiya Vasitələri haqqında" qanununu, həmçinin Konstitusiyanın bəzi qanunlarını pozub və bu, məhkəmə predmetidir. E.Məmmədli dəfələrlə belə hörmətsizlik edib. AFFA-nın mətbuat xidmətinin rəhbəri Elnur Məmmədli qurumun rəhbərliyinin səhv yolunu gedir və tənqidlərdən nəticə çıxarmır.
Qeyd edək ki, Konqresdə UEFA İcraiyyə Komitəsinin 4 il müddətinə 8 nəfər üzvü (ən azı 1 nəfər qadın olmaqla), 2 il müddətinə isə 2 nəfər üzvü seçiləcək. Namizədlər arasında keçmiş SSRİ ölkələrindən Ukrayna Futbol Federasiyasının prezidenti Andrey Şevçenko, Latviya Futbol Federasiyasından Vadim Lyaşenko, Ermənistan Futbol Federasiyasından Armen Melikbekyan da var.
Bundan başqa, tədbirdə UEFA-nın 2023/24 və 2025/26-cı illər üçün maliyyə hesabatı müzakirə olunacaq. Konqresdə UEFA komitələrində də dəyişiklik ediləcək.
