"Qarabağ" reklama ehtiyacı olmayan komandadır" - Video

Supersport.Az Azərbaycan Kubokunun yarımfinal mərhələsinin ilk oyununda "Qarabağ"a qalib gələn "Araz-Naxçıvan"ın baş məşqçisi Elmar Baxşıyevin fikirlərini videogörüntüyə alıb. 

"Maraqlı oyun alındı. Hər iki komanda meydanda yaxşı mübarizə apardı. Bilirdik ki, bizi bu matçda nə gözləyir. Komanda yaxşı iş ortaya qoydu. Qələbə qazandıq. Bu oyunu unudub qarşıdakı çempionat matçına hazırlaşacağıq".

- - Bir top fərqi cavab oyunu öncəsi sizi nə qədər arxayınlaşdırır?

- - Bu gün məğlub olsaydıq da, heç bir üstünlüyümüz, əskikliyimiz olmayacaqdı. Bilirik ki, kimə qarşı oynayırıq. "Qarabağ" reklama ehtiyacı olmayan komandadır. Çempionat oyununa köklənmək lazımdır. Vaxtı çatanda kubokun cavab matçını da düşünəcəyik.