8 il sonra yenidən Avropa çempionluğu
![8 il sonra yenidən Avropa çempionluğu](https://supersport.az/storage/news/2024/05/10/img_20240510_wa0037_1715353047-full.jpg)
Serbiyanın Novi Sad şəhərində keçirilən sambo üzrə Avropa çempionatında böyüklərin yarışını Azərbaycan 3 medalla tamamlayıb.
Supersport.Az-a Azərbaycan Sambo Federasiyasından verilən xəbərə görə, bunlar 1 qızıl və 2 bürünc medaldır.
2022-ci ilin dünya mükafatçısı Elvin Bağırov (64 kq) finalda erməni idmançı Narek Dallakyana 5:0 hesabı ilə qalib gələrək ilk dəfə böyüklərdə Avropa çempionu olub. Sonuncu dəfə böyüklər arasında Avropa çempionu ünvanına 8 il öncə Amil Qasımov çıxmışdı. O, 2016-cı ildə Rusiyanın Kazan şəhərində keçirilən yarışda qitənin ən güclüsü olmuşdu.
Həmçinin, Rəsul Aydəmirov (98 kq) və Nicat Məmmədli (58 kq) 3-cülük uğrunda görüşdə qalib gələrək bürünc medal əldə edib.
Qeyd edək ki, yarış 11-12 mayda gənclər və yeniyetmələrin Avropa çempionatı ilə davam edəcək.