Qurban Qurbanovun ilk məşqçisi: "Qurban Qurbanovdan öyrənirəm" - Video

Supersport.Az-a açıqlamasında "Qarabağ"ın məşhur baş məşqçisi Qurban Qurbanovun ilk məşqçisi, "Zaqatala"nın prezidenti Şaban Şirdanov keçmiş yetirməsinin klubunun Avropa yarışında çıxışına toxunub.

64 yaşlı mütəxəssis, qitə turnirlərinin son 3 matçında məğlubiyyətlə üzləşən Qurban Qurbanovun komandasının çətin vəziyyətdən çıxacağına, qələbələr qazanacağına inandığını bildirib. Ş.Şirdanov deyib ki, bu gün Qurban Qurbanovdan nəsə öyrənir: "Qarabağ"ın, Qurban Qurbanovun hansı səviyyədə olduğu, Avropa yarışlarında uğurları göz önündədir. Bu gün mən Qurban Qurbanovdan nəsə öyrənirəm".

Mütəxəssis, "Qarabağ"ın futbolçularının "Tottenhem"lə matçda qol imkanlarını boşa verməsini ustalıq səviyyəsiylə şansızlıqla əlaqələndirib.