İspaniyaya fransızlar rəqib oldu
Almaniyada təşkil olunan futbol üzrə Avropa çempionatında bu gün 1/4 final oyunlarına start verilib.
Supersport.Az xəbər verir ki, günün ilk matçında İspaniya və Almaniya yığmaları qarşılaşıb.
Erkən final kimi xarakterizə olunan görüş Ştutqart şəhərindəki "MHP Arena"da keçirilib.
Oyunun əsas vaxtı 1:1 bitdiyi üçün əlavə vaxt oynanılıb.
İspaniya 2:1 hesablı qələbə qazanıb.
Növbəti qarşılaşmada isə Portuqaliya və Fransa milliləri güclünü ayırd etməyə çalışıblar. Oyunun əsas və əlavə vaxtında qalib müəyyən olunmayıb. Penaltilər seriyasında fransızlar dəqiq olublar.
Qeyd edək ki,1/4 finalın digər iki görüşü iyulun 6-da baş tutacaq.
AVRO-2024
1/4 final
5 iyul
20:00. İspaniya - Almaniya 2:1
Qol: Olmo 51, Merino 119 - Virts 89
Qırmızı vərəqə: Karvahal 120.
Baş hakim: Entoni Teylor (İngiltərə).
Ştutqart, "MHP Arena".
23:00. Portuqaliya - Fransa 0:0 (penaltilər 3 :5)
Baş hakim: Maykl Oliver (İngiltərə).
Hamburq, “Folksparkştadion".