Kamran, Elvin və İslam qızıl, Sabah bürünc medal qazandı

Dərc etdi: SupersportTarix May 18, 2017 , 22:05 Kateqoriya: Digər, Güləş, İslamiada-2017Rəy yoxdur

Oxunma sayı: 1. 091

Supersport.Az xəbər verir ki, paytaxtımızda keçirilən IV İslam Həmrəyliyi Oyunları çərçivəsində Heydər Əliyev adına İdman Arenasında güləş yarışları davam edir. Yarışlarda sərbəst, yunan-Roma və qadın güləşi üzrə yığma komandamız mübarizə aparır.

Güləş yarışlarının ilk günündə Orxan Nuriyev (98 kq) qızıl, Rafiq Hüseynov (80 kq) gümüş, Murad Məmmədov (59 kq) və Rəsul Çunayev (71 kq) bürünc medala yiyələnib.

İkinci yarış günündə 66, 75, 85 və 130 kq çəkidə qaliblər müəyyənləşib. Güləşçilərimiz günü 3 qızıl və 1 bürünc medalla başa vurub. Kamran Məmmədov (60 kq), Elvin Mürsəliyev (75 kq) və İslam Abbasov (85 kq) bütün rəqiblərini üstələyərək IV İslam Həmrəyliyi Oyunlarının qızıl medalın sahib olub. 130 kq-da mübarizə aparan Sabah Şəriəti isə bürünc medala yiyələnib.

Beləliklə, IV İslam Həmrəyliyi Oyunlarının güləş yarışlarında yunan-Roma güləşi üzrə mübarizə yekunlaşıb. Yığma komandamızın üzvləri yarışı 4 qızıl, 1 gümüş və 3 bürünc medalla başa vurub.

Supersport

Supersport.Az saytı 2009-cu ildə təsis olunub. Yarandığı gündən sayt ölkəmizin idman həyatını, həmçinin idmançılarımızın mötəbər yarışlarda uğurlu çıxışını yüksək səviyyədə təqdim edib. Supersport.Az Mətbuat Şurasının üzvüdür. Saytımızın fəaliyyətinin məntiqi nəticəsi olaraq həm respublikamızın, həm də xarici ölkələrin mətbuat orqanları portalımızın məlumatları və videogörüntülərindən faydalanıb. Supersport.Az-ın internet kanalının 32 min 300-dən çox abunəçisi və 13 milyon 600 mindən artıq baxış olub. Türkiyə, İngiltərə, Rusiya, Fransa və digər ölkələrin mediası saytımızın videogörüntülərindən istifadə edib. Ölkəmizə faydalı olması üçün hətta videoçəkilişlərimiz UEFA-ya da göndərilib. Supersport.Az yaxın gələcəkdə böyük planlar həyata keçirməyə, daha böyük uğurlar əldə etməyə çalışacaq.