BOYONKA KOSTOVA AVROPA ÇEMPİONATINDA QIZIL MEDAL QAZANDI
Digər, Ağır Atletika
13 Aprel 2016 - 23:25
Norveçin Fyorde şəhərində keçirilən ağır atletika üzrə Avropa çempionatında davam edir.
Supersport.Az xəbər verir ki, yarışın üçüncü günü Azərbaycan millisi üçün uğurlu alınıb. Komandamız aktivinə ilk qızıl medalı qazandırıb. Boyanka Kostova şərəfinə Fyordedə Azərbaycan himni səsləndirilib. 58 kq dərəcəsində körpücük üzərinə çıxan dünya çempionumuz birdənqaldırma hərəkətində ilk yanaşmasını yerinə yetirməklə qızıl medalı təmin edib. Belə ki, öncə 95 kq çəkinin öhdəsindən gələn Kostova ardınca hər cəhdində sifarişini 5 kq artırıb və bu hərəkəti 105 kq çəkini ram etməklə bitirib. Bununla da o, ən yaxın izləyicisini 15 kq qabaqlayıb.
Təkanla qaldırma hərəkətində də Boyanka aşkar favorit olduğunu sübut edib. Öz çəkisində Avropa və dünya rekordlarının sahibi olan ağırlıqqaldıranımız əvvəlcə 120 kq, ardınca 130 kq-ı başı üzərinə qaldırıb. Üçüncü yanaşma heç bir əhəmiyyət kəsb etmədiyindən atletimiz ondan imtina edib.
Bütövlükdə 235 kq (105 kq + 130 kq) nəticə göstərən Kostova üçüncü dəfə Avropa çempionu tituluna yiyələnib. İkinci yerdə qərarlaşan İrina-Lasramioara Lepsa (Rumıniya) idmançımızdan – 30 kq (88 kq + 117 kq) az qaldırıb. İlk “üçlüyü” qapayan Yoanna Loçovska (Polşa) isə cəmi 204 kq (90 kq + 114 kq) çəkinin öhdəsindən gəlib.
Qeyd edək ki, ondan əvvəl körpücük üzərinə çıxan Elmar Alıyev (56 kq) 7-ci, Mərziyyə Məhərrəmova (48 kq) ilə Allahyar Abışov (62 kq) 11-ci və Gülçin Əlizadə (53 kq) 20-ci pillədə qərarlaşıb. Yarış isə aprelin 17-də başa çatacaq.
Supersport.Az xəbər verir ki, yarışın üçüncü günü Azərbaycan millisi üçün uğurlu alınıb. Komandamız aktivinə ilk qızıl medalı qazandırıb. Boyanka Kostova şərəfinə Fyordedə Azərbaycan himni səsləndirilib. 58 kq dərəcəsində körpücük üzərinə çıxan dünya çempionumuz birdənqaldırma hərəkətində ilk yanaşmasını yerinə yetirməklə qızıl medalı təmin edib. Belə ki, öncə 95 kq çəkinin öhdəsindən gələn Kostova ardınca hər cəhdində sifarişini 5 kq artırıb və bu hərəkəti 105 kq çəkini ram etməklə bitirib. Bununla da o, ən yaxın izləyicisini 15 kq qabaqlayıb.
Təkanla qaldırma hərəkətində də Boyanka aşkar favorit olduğunu sübut edib. Öz çəkisində Avropa və dünya rekordlarının sahibi olan ağırlıqqaldıranımız əvvəlcə 120 kq, ardınca 130 kq-ı başı üzərinə qaldırıb. Üçüncü yanaşma heç bir əhəmiyyət kəsb etmədiyindən atletimiz ondan imtina edib.
Bütövlükdə 235 kq (105 kq + 130 kq) nəticə göstərən Kostova üçüncü dəfə Avropa çempionu tituluna yiyələnib. İkinci yerdə qərarlaşan İrina-Lasramioara Lepsa (Rumıniya) idmançımızdan – 30 kq (88 kq + 117 kq) az qaldırıb. İlk “üçlüyü” qapayan Yoanna Loçovska (Polşa) isə cəmi 204 kq (90 kq + 114 kq) çəkinin öhdəsindən gəlib.
Qeyd edək ki, ondan əvvəl körpücük üzərinə çıxan Elmar Alıyev (56 kq) 7-ci, Mərziyyə Məhərrəmova (48 kq) ilə Allahyar Abışov (62 kq) 11-ci və Gülçin Əlizadə (53 kq) 20-ci pillədə qərarlaşıb. Yarış isə aprelin 17-də başa çatacaq.
