Boksçumuz dünya çempionatına qələbəylə başladı

Azərbaycan boksçusu Ümid Rüstəmov Özbəkistanın paytaxtı Daşkənddə bu gün start verilən dünya çempionatına qələbə ilə başlayıb.

Supersport.Az-ın məlumatına görə, 57 kq-da çıxış edən idmançı 1/32 finalda mərakeşli Süleyman Samqulidən güclü olub.

Ümid Rüstəmov ikinci və üçüncü raundlarda rəqibini noqdauna salıb.

Qeyd edək ki, mayın 15-dək davam edəcək mundialda Azərbaycanın ümumilikdə 13 boksçusu mübarizə aparacaq.