AMADA-nın narkotikaya qarşı mübarizə tədbiri

Supersport.Az-ın məlumatına görə, Azərbaycan Milli Antidopinq Agentliyi dekabrın 20-də saat 11:30-da Narkotik və steroidlərlə mübarizəyə həsr olunmuş tədbir keçirəcək. Burada DİN, DGK və digər aidiyyəti dövlət qurumlarının nümayəndələri də iştirak edəcək. Tədbirdə AMADA-nın narkotiklə mübarizə çərçivəsində Respublika Narkoloji Mərkəzdə həyata keçirdiyi layihənin nəticələri ictimaiyyətə açıqlanacaq. Bundan əlavə, narkoloji mərkəzdə müalicə alan narkotik asılılığı olan şəxslərdən alınan müsahibələr əsasında hazırlanmış videoçarx nümayiş etdiriləcək.

Məlumat AMADA-nın mətbuat xidmətindən verilib.