Taekvondo millimizdən yüksək nəticə

Taekvondo millimizdən yüksək nəticə
Digər, Taekvondo
22 Fevral 2020 - 22:55

İsveç Krallığının Helsinqborq şəhərində təşkil olunan "Prezident Kuboku"nun ardından "Helsinqborq Open" beynəlxaq turniri keçirilib.


Supersport.Az xəbər verir ki, böyüklərdən ibarət taekvondo millimizin qatıldığı yarış da təmsilçilərimiz üzün uğurlu alınıb.


Komandanın üzvləri 6 qızıl, 2 gümüş və 1 bürünc, ümumilikdə 9 medala sahib olub. Bəhruz Quluzadə (54 kq), Qaşım Maqomedov (58 kq), Cavab Ağayev (68 kq), Ayxan Tağızadə (74 kq), Radik İsayev (87 kq yuxarı) və Patimat Abakarova (53 kq) yarışı qalib başa vurub.


Fəridə Əzizova (67 kq) və Taleh Süleymanov (87 kq) həlledici döyüşdə məğlub olaraq gümüş medal qazanıb.


Ramin Əzizov (87 kq) isə bürünc medala layiq görülüb.


Millimiz yarışlara Azərbaycan Taekvondo Federasiyasının vitse-prezidenti Niyaməddin Paşayev, eləcə də baş məşqçilər Reza Mehmandoust və Elnur Amanovun rəhbərliyi ilə qatılıb.

Digər xəbərlər