Azərbaycan yığması Avropa birinciliyində

Azərbaycan yığması Avropa birinciliyində
Boks, Video
23 May 2019 - 11:26
Mayın 24-də Rumıniyanın Qalati şəhərində yeniyetmə boksçular arasında Avropa birinciliyi start götürəcək.

Supersport.Az-ın milli federasiyanın mətbuat xidmətinə istinadən məlumatına görə, 9 gün davam edəcək yarışda Azərbaycan millisi də iştirak edəcək.

Komandamızın baş məşqçisi Vaqif Kazımov qitə birinciliyində 11 boksçuya şans verəcək. Təmsilçilərimizdən Nicat Hüseynov (46), Səid Abdullayev (48 kq), Zaur Qəhrəmanov (50 kq), Əsəd Ağayev (52 kq), Zəlimxan Süleymanov (54 kq), Turğay Mirzəyev (57 kq), Elməddin Ağayev (60 kq), İsa Novruzlu (63 kq), Səyadulla Nəsirov (66 kq), Rəmiş Cəfərov (70 kq) və Cəfər Heydərli (80 kq) rinqə çıxacaqlar.

Artıq Rumıniyaya yollanan komandamız iyunun 2-də Vətənə qayıdacaq.

Qeyd edək ki, Avropa birinciliyində mayın 24-28-də təsnifat mərhələsinin döyüşləri olacaq. Mayın 29-da istirahət edəcək boksçular növbəti 2 gündə yarımfinal görüşlərinə çıxacaqlar. İyunun 1-də isə qaliblərin adları bilinəcək.

Digər xəbərlər