“Qarabağ” İslandiya millisinin qapıçısı Hannes Tur Haldorsonu transfer etdiyini rəsmən açıqlayıb.
Supersport.Az-ın xəbərinə görə, Ağdam klubu sosial şəbəkə vasitəsilə 34 yaşlı qolkiperin “Qarabağ”ın forması ilə şəklini paylaşıb. Şəkildə “Xoş gəlmisən” sözləri yazılıb.
Qeyd edək ki, Haldoursonun son klubu Danimarka “Randers”i olub. O, DÇ-2018-in 1-ci turunda Argentina ilə keçirilən oyunda (1:1) Lionel Messinin penaltisini dəf etməklə oyunun qəhrəmanına çevrilmişdi.
