AFFA-nın keçmiş baş katibi Çingiz İsmayılov vəfat etdi

Supersport.Az-ın məlumatına görə, AFFA-nın keçmiş baş katibi, futbol veteranı Çingiz İsmayılov bu gün vəfat edib.

O, pnevmoniya xəstəliyinə tutulmuşdu.

Mütəxəssis yaşasaydı, aprelin 12-i 90 yaşını qeyd edəcəkdi.

Çingiz İsmayılov 1935-ci ildə Bakıda doğulub, 1955-1962-ci illərdə "Neftçi"nin şərəfini qoruyub, klubun rəisi olub. O, Bakının və Gəncənin “Dinamo”, habelə "Neft daşları" komandalarında çıxış edib. Ç.İsmayılov, həmçinin jurnalist, şərhçi olub.

1994-cü ildə AFFA-nın baş katibi seçilib və 9 il bu qurumda çalışıb.

Çingiz İsmayılov 2022-ci ildə "Tərəqqi" medalı ilə təltif edilib.

Allah rəhmət eləsin!