"BARSA" ŞOKDA, MESSİDƏN 500-CÜ QOL - VİDEO

İspaniya çempionatının 33-cü turu da lider üçün uğursuz alınıb. "Barselona" öz meydanında "Valensiya"ya məğlub olub. Bu oyunda Arda Turan vərəqə cəzalısı olduğu üçün iştirak etməyib. "Barsa" Kral kubokunda 7 qolla qalib gəldiyi "Valensiya"ya bu dəfə uduzub - 1:2.

Messi karyerasında 500-cü qoluna imza atıb. Argentinalı futbolçu, son 5 oyunda fərqlənə bilmirdi.

Qeyd edək ki, turnir cədvəlində ilk iki yeri 76 xala sahib "Barselona" və "Atletiko" bölüşdürür. Madrid klubu 8 xallıq fərqi aradan qaldırıb. "Real Madrid" 75 xalla üçüncüdür.