Azərbaycana gələn idmançının səhhətində problem

Avarçəkmə üzrə "Prezident kuboku-2023" beynəlxalq reqatasında iştirak üçün Azərbaycana gələn Şimali Makedoniya yığmasının üzvü Aleksey Çakareskinin uzun səfərdən sonra səhhətində problem yaranıb.

Supersport.Az Azərbaycan Kanoe və Avarçəkmə Federasiyasına istinadla xəbər verir ki, qurum tərəfindən dərhal təxirəsalınmaz tədbirlər görülüb.

İdmançı həkim müayinəsindən keçib. Hazırda onun səhhətində hər hansı problemin olmadığı bildirilib.
Özünü yaxşı hiss edən Aleksey Çakareski komandası ilə birlikdədir.