"Qarabağ"ın keçmiş futbolçusu yenidən Portuqaliyada

Supersport.Az-ın məlumatına görə, "Qarabağ"ın sabiq futbolçusu Danilo Dias karyerasını yenidən Portuqaliyada davam etdirəcək.

"Unian Madeyra" klubu 31 yaşlı yarımmüdafiəçi ilə 1 illik müqavilə imzalayıb.

Braziliyalı futbolçu 2015-2016 mövsümündə də bu komandada çıxış edib. Klub hazırda Portuqaliyanın 1-ci divizionunda mübarizə aparır.

Qeyd edək ki, Danilo Dias "Qarabağ"da 2014-2015 mövsümündə oynayıb.