Türkiyədə futbol mütəxəssisi millət vəkilliyinə namizəd oldu

Futbol mütəxəssisi Bülənt Uyğun siyasətə qoşulmağa qərar verib.

Supersport.Az-ın Türkiyə mətbuatına istinadən məlumatına görə, o, AK Partinin təmsilçisi olaraq Sakaryadan millət vəkilliyinə namizədliyini irəli sürüb. Seçki mayın 14-də keçiriləcək.

B.Uyğun futbolçu karyerasında “Sakaryaspor”, “Fenerbahçe”, “Trabzonspor” və başqa klublarda forma geyib.

49 yaşlı mütəxəssis, məşqçi kimi ilk olaraq “Sivasspor”u, son “Çaykur Rizespor”u çalışdırıb, 22 sentyabr 2021-ci ildə bu klubdan ayrılıb.