Juninyo: "Flamenqo"ya gəldiyim üçün çox xoşbəxtəm"
Supersport.Az-ın məlumatına görə, "Qarabağ"dan ayrılan Olavio Juninyonun yaxın günlərdə "Flamenqo" ("Flamengo") ilə müqavilə bağlayacaq.
Braziliyalı futbolçu tibbi müayinədən keçəndən sonra ölkəsində yeni klubuyla kontrakt imzalayacaq.
Juninyo vətənində hava limanında qısa açıqlama verib: "Burada olduğum üçün çox xoşbəxtəm".
Braziliya mətbuatı, Juninyonun Azərbaycanın çempionu, bombardiri və ən yaxşı futbolçusu olduğunu, Avropa yarışlarında mübarizə apardığını, fiziki formasını bərpa etməkdə çətinliklə üzləşməyəcəyini qeyd edib.
"Qarabağ" Juninyonun "Flamenqo"ya keçidindən 5 milyon avro qazanacaq.
Braziliya klubunun Olavio Juninyo ilə 2028-ci ilin dekabrınadək müqavilə bağlayacağı gözlənilir.
Hazırda Juninyonun qiyməti 2 milyon avrodur.
Xatırladaq ki, Juninyo 2023-cü il iyulun 1-də "Qarabağ"la 2026-cı ilin iyunun 30-na kimi müqaviləyə imza atmışdı.
