AFFA-nın strategiyasında 5 əsas hədəf

Supersport.Az xəbər verir ki, AFFA-nın inkişaf strategiyasının layihəsi ictimaiyyətə açıqlanıb.

Bu barədə milli assosiasiyanın rəsmi saytı məlumat yayıb.

İnkişaf strategiyasının əsas hədəfləri layihədə öz əksini tapıb:

1. Kişilərdən ibarət əsas milli komandanın FIFA reytinqində ən yaxşı 75 komanda sırasına yüksəldilməsi bu strategiyanın uzunmüddətli hədəflərindən hesab edilib.

2. UEFA-nın klub reytinqində (kişilər) ilk "20-liy"ə daxil olmaq uzunmüddətli hədəf olaraq nəzərdə tutulub.

3. Avropanın aparıcı klublarının diqqətini cəlb edə biləcək istedadlı azərbaycanlı futbolçular və məşqçi heyətini yetişdirmək üçün Azərbaycanın yeni, innovativ Futbolun İnkişafı Mərkəzi yaradılacaq.

4. Kişilərdən və aşağı yaş qrupu üzrə milli komandaların Avropa çempionatlarının final mərhələlərinə mütəmadi vəsiqə qazanması üçün rəqabətqabiliyyətliliyi təmin ediləcək.

5. Azərbaycanın peşəkar klublarının ümumi bazar dəyərini ikiqat artırmaq əsas hədəflərdən biridir.