"Turan" iki futbolçu aldı

Supersport.Az xəbər verir ki, "Turan Tovuz" heyətinə iki yeni futbolçu cəlb edib. Rusiyalı yarımmüdafiəçi Anton Kraçkovski icarə əsasında  cari mövsümün sonunadək Azərbaycan klubunun şərəfini qoruyacaq.  Mahaçqala "Dinamo"suna məxsus 22 yaşlı futbolçu Qazaxıstan təmsilçisi  "Kayrat"da da legioner həyatı yaşayıb.

28 yaşlı yarımmüdafiəçi Rəhim Sadıxovla 2026-2027-ci illər mövsümünün sonunadək müqavilə bağlanılıb. Son olaraq “Sumqayıt”da forma geyinən futbolçu, ölkəmizdə “Zirə”, Rusiyada “Solyaris”, “Spartak-2” və  “Torpedo” klublarının şərəfini qoruyub. 

Rəhim Sadıxov milli komandanın heyətində 9 oyunda meydana çıxıb.