Foto-Video: "Neftçi" Qriqorçuku qovmaq niyyətinə düşdü, Samir Abbasovla danışığa başladı

Supersport.Az Azərbaycan Premyer Liqasının 8-ci turunda "Neftçi" - "Sumqayıt" matçının (1:1) ardından eksklüziv olaraq maraqlı videogörüntü çəkib. 

Bakı klubunun idman müşaviri Kamil Məmmədovun Sumqayıt təmsilçisinin baş məşqçisi Samir Abbasovla danışıq aparması, tərəflərin şirin söhbət etməsi diqqətimizdən yayınmayıb.

"Neftçi"ni qələbəyə həsrət qoyan "Sumqayıt"ın baş məşqçisi Samir Abasov klubun avtobusuna dirsəklənərək həvəslə fikirlərini bildirib. Abasov oyunun ardından həmkarı Qriqorçuka isə Salam verməyi lazım bilməyib.

Belə görünür ki, "Neftçi" baş məşqçisi Roman Qriqorçuku qovub, Samir Abbasovu gətirmək istəyir. Kamil Məmmədov Supersport.Az-a komandanın bərbad vəziyyəti haqda açıqlama verməkdən qaçaraq, "sonra danışarıq" deyib.