İlham Əliyev cüdoçuların zəfərini izlədi - Foto

İslam Həmrəyliyi Oyunlarında cüdo yarışlarının ilk günü Azərbaycan idmançıları parlaq qələbələr qazanıblar. Azərbaycan prezidenti İlham Əliyev və 1-ci vitse-prezident, İslam Oyunları Təşkilat Komitəsinin sədri Mehriban Əliyeva cüdoçularımızın möhtəşəm zəfərlərini Heydər Əliyev adına İdman Sarayında canlı izləyiblər.

Əsl əzmkarlıq göstərən cüdoçularımız azarkeşlərə 7 final həyəcanı yaşadaraq millimizin aktivinə 9 medal yazdırıblar.

Orxan Səfərov (60 kq), Nicat Şıxəlizadə (66 kq), Erdenebat Bazarraqça (48 kq) və Hidayət Heydərov (73 kq) bütün rəqiblərinə qalib gələrək qızıl medal qazanıblar. Rüstəm Orucov (73 kq), Aişə Qurbanlı (48 kq), Nəzakət Əzizova (52 kq), Kifayət Qasımova (57 kq), Xanım Hüseynova (63 kq) isə İslam Həmrəyliyi Oyunlarının gümüş medalına sahib olublar.

66 kq çəki dərəcəsində uğur qazanan cüdoçulara medalları Azərbaycan prezidenti İlham Əliyev təqdim edib.