"Qarabağ"ın sabiq hücumçusu məşqə başladı

Supersport.Az-ın məlumatına görə, koronavirus epidemiyasının sürətlə yayılması səbəbindən uzun müddət evdən çıxmayan braziliyalı futbolçu Pedro Enrike "Kayserispor"un bazasında hazırlığa başlayıb. "Qarabağ"ın sabiq forvardı məşqçilərin verdiyi proqrama əsasən fərdi çalışır.

Pedro bu mövsüm "Kayserispor"da 8 qol vuraraq klubunun bombardiridir.

Braziliyalı hücumçu "Qalatasaray", "Denizlispor", "Kasımpaşa", "Sivasspor", "Alanyaspor", "Antalyaspor", "Konyaspor" və "Yeni Malatyaspor"la oyunlarda fərqlənib.