Dünyanı koronavirus bəlasının cənginə alması futbol sahəsinə də ağır zərbə vurub.
Supersport.Az-ın məlumatına görə, FİFA-yla UEFA iki mövsümü birləşdirmək haqda düşünür. Hazırda fakt odur ki, futbol iflic vəziyyətindədir. Avropanın 55 çempionatından 54-ü dayanıb. Yalnız Belarusda yarış keçirilir.
Təkcə Avropanın top çempionatlarının dayanmasından 4 milyard avro itirilib.
UEFA iyuna təyin etdiyi Çempionlar Liqası, Avroliqanın final oyunlarını qeyri-müəyyən müddətə təxirə salıb.
Qitə qurumu bu yay keçirilməli olan Avropa çempionatını koronavirus pandemiyasına görə gələn ilə təyin olunub.
FİFA ilə UEFA rəhbərliyinin 2019/20 və 2020/21-ci il mövsümünü birləşdirmək barədə fikirləşdiyi bildirilir.
