"Qarabağ"ın rəqibi yenə məğlubiyyətlə üzləşdi

Çempionlar Liqasının birinci təsnifat mərhələsində "Qarabağ"ın rəqibi "Partizani" Sloveniyada təlim-məşq toplanışı çərçivəsində növbəti yoxlama oyunu keçirib.

Supersport.Az-ın məlumatına görə, Albaniya çempionu Sloveniyanın "Mura" klubu ilə qarşılaşmada 1:2 hesabı ilə uduzub.

Komanda bundan əvvəl yoxlama görüşündə Bosniya və Hersoqovina təmsilçisi "Sarayevo"ya  məğlub olmuşdu - 1:5.

Qeyd edək ki, "Qarabağ"la "Partizani" arasındakı ilk oyun iyulun 10-da Tiranada, cavab qarşılaşması ilə bir həftə sonra Bakıda keçiriləcək.