Səlahət Ağayev seçim qarşısında

"Neftçi"dən yeni müqavilə üçün 350 min manat istəyən milli komandanın qolkiperi Səlahət Ağayev razılıq əldə olunmadığından klubdan ayrılıb.

Supersport.Az-a daxil olan məlumata görə, 28 yaşlı qapıçı "Qarabağ"la "Sabah"ın transfer siyahısındadır. Yeddiqat ölkə çempionuyla qolkiper arasında razılıq olmayıb. "Sabah"ın Ağayevlə anlaşmaya yaxın olduğu ehtimal edilir. Paytaxt klubunun mətbuat katibi Elnur Həmidov saytımıza qolkiperlə maraqlanmadıqlarını bildirib.

S.Ağayevin Qazaxıstan klublarının da transfer siyahısında olduğu bildirilir.