"Qəbələ"nin döyüşçüsü qələbə ilə dönür

Azərbaycanın və "Qəbələ" İdman Klubunun MMA döyüşçüsü Nəriman Abbasov növbəti qələbəsini qazanıb.

Supersport.Az xəbər verir ki, idmançımız "Fight Night Global 90" çərçivəsində qüvvəsini sınayıb. 24 yaşlı təmsilçimiz Rusiyanın paytaxtı Moskvadakı "MOİK Arena"da keçirilən yarışda Mixail Qoqitidze ilə üz-üzə gəlib. Yüngül çəki dərəcəsində baş tutan döyüş Abbasovun rusiyalı rəqibi üzərində qələbəsi ilə başa çatıb.

Bu, Nərimanın karyerasında 23-cü qələbə olub. İndiyədək 27 döyüş keçirən idmançımız yalnız 4 dəfə məğlubiyyətlə üzləşib.