Qurban Qurbanov: "Avroliqanın qrupuna düşmək asan olmayacaq" - Video

Supersport.Az Avroliqanın pley-off mərhələsində "Şerif"lə qarşılaşacaq "Qarabağ"ın baş məşqçisi Qurban Qurbanovun fikirlərini videogörüntüyə alıb.

Mütəxəssis yarışın qrupuna düşməyin çətin olacağını deyib:

"Futbolçularımı çempionatın ilk turunda qələbə münasibətilə təbrik edirəm. Heyətdə bəzi dəyişikliklər etmişdik. Buna baxmayaraq, pis oyun alınmadı. Komanda nəticəyə oynamağa bacardı. "Səbail"ə uğurlar arzulayıram. Bir neçə gün Avropa Liqasında bizi ağır oyun gözləyir. "Şerif"lə tanış olmuşam. Oyunlarına baxmışıq. Asan olmayacaq. Hər iki komanda qrup mərhələsi üçün mübarizə aparacaq. Çalışacağıq ki, oyuna düzgün hazırlaşaq".