Qurban Qurbanov: "İlk oyunda qalib olsaq da, narahatam" - Video

Supersport.Az Çempionlar Liqasının birinci təsnifat mərhələsinin cavab oyununda "Olimpiya"nı sınağa çəkəcək "Qarabağ"ın baş məşqçisi Qurban Qurbanovun fikirlərini videogörüntüyə alıb.

Təcrübəli mütəxəssis ilk oyunda qələbəyə baxmayaraq, narahat olduğunu bildirib:

"İlk oyunda qələbə qazanmağımıza baxmayaraq, ciddi rəqibə qarşı oynayırıq. Daha çox fikirləşmək lazım olacaq. Bizi çətin və maraqlı oyun gözləyir. Məni yalnız cavab görüşü maraqlandırır. Hər zaman olduğu kimi yenə narahatam. Futbolçularım diqqətli, ciddi olmalıdırlar. Rəqibin iddialı açıqlamaları sübutdur ki, Bakıya istəklə gəliblər".