Zaur Svanadze: "Cəfəng qollar buraxdıq"

Supersport.Az-ın məlumatına görə, UEFA Avropa Liqasının 2-ci təsnifat mərhələsi çərçivəsinin cavab oyununda Lüksemburqun "Fola" klubu qarşısında aciz qalan "İnter"in baş məşqçisi Zaur Svanadze məğlubiyyəti şərh edib.

"Təəssüf ki, azarkeşləri sevindirə bilmədik. Növbəti mərhələyə keçmək şansımız var idi, lakin alınmadı. Paradoksal haldır ki, burada Bakıda oynadığımızdan daha yaxşı oynadıq. Yaxşı anlardan istifadə etməyi bacarmadıq. Sadəcə, cəfəng qollar buraxdıq. Bu futboldur, demək olar ki, həmişə bəxt gətirmir. Amma bəxtə layiq olmaq da lazımdır".