Çimərlik voleybolu üzrə yarış keçirilib
Digər, Voleybol
11 May 2017 - 08:43
Bakıda Heydər Əliyevin anadan olmasının 94-cü ildönümü münasibətilə çimərlik voleybolu üzrə yarış təşkil olunub.
Supersport.Az xəbər verir ki, yarışda 11 qadın və 13 kişi komandası birincilik uğrunda mübarizə aparıb. Qadın və kişi komandaları ilkin mərhələdə 4 qrupda yarışıblar. Qrup mərhələsində ilk iki yeri tutan komandalar növbəti mərhələyə yüksəliblər.
Daha sonra yarımfinal və final oyunları keçirilib. Qadın komandaları arasında bürünc medal uğrunda görüşdə “AVİF-1” komandası “Azərreyl-2”yə 2:0 hesabı ilə qalib gəlib. Qızıl medal oyununda isə “Azərreyl-1” komandası “Azərreyl-3”ü 2:0 hesabı ilə məğlub edərək yarışın qalibi adını qazanıb.
Kişi komandaları arasında üçüncü yer uğrunda “Redbull”-“Lokomotiv-1” görüşü keçirilib. Rəqibini 2:0 hesabı ilə məğlub edən “Redbull” yarışın bürünc medalına sahib olub. Qızıl medal uğrunda isə “Azərreyl-1” komandası FHN-dən güclü olub – 2:0.
Sonra mükafatçılara Azərbaycan Voleybol Federasiyası tərəfindən kubok və medallar təqdim olunub.
Supersport.Az xəbər verir ki, yarışda 11 qadın və 13 kişi komandası birincilik uğrunda mübarizə aparıb. Qadın və kişi komandaları ilkin mərhələdə 4 qrupda yarışıblar. Qrup mərhələsində ilk iki yeri tutan komandalar növbəti mərhələyə yüksəliblər.
Daha sonra yarımfinal və final oyunları keçirilib. Qadın komandaları arasında bürünc medal uğrunda görüşdə “AVİF-1” komandası “Azərreyl-2”yə 2:0 hesabı ilə qalib gəlib. Qızıl medal oyununda isə “Azərreyl-1” komandası “Azərreyl-3”ü 2:0 hesabı ilə məğlub edərək yarışın qalibi adını qazanıb.
Kişi komandaları arasında üçüncü yer uğrunda “Redbull”-“Lokomotiv-1” görüşü keçirilib. Rəqibini 2:0 hesabı ilə məğlub edən “Redbull” yarışın bürünc medalına sahib olub. Qızıl medal uğrunda isə “Azərreyl-1” komandası FHN-dən güclü olub – 2:0.
Sonra mükafatçılara Azərbaycan Voleybol Federasiyası tərəfindən kubok və medallar təqdim olunub.
