“Sloga Pojeqa”-“Lokomotiv” həndbol oyununu Azərbaycan hakimləri idarə edəcəklər

Fevralın 25-26-da Serbiyanın Pojeqa şəhərində kişi həndbol komandaları arasında “Challenge Cup” yarışlarının 1/8 mərhələsinin oyunları keçiriləcək.

Supersport.Az xəbər verir ki, “Sloga Pojeqa” (Serbiya)-“Lokomotiv” (Bolqarıstan) oyunu Azərbaycan hakimlərinə tapşırılıb. Görüşü Ernest və Emil Ağakişi qardaşları idarə edəcəklər.

Oyunlar Pojeqadakı “City Sports Hall”da keçiriləcək.