Azərbaycanın naziri ABŞ-ın məşhur mütəxəssisləriylə görüşdü

Azərbaycanın naziri ABŞ-ın məşhur mütəxəssisləriylə görüşdü
Digər, Güləş
28 Sentyabr 2022 - 13:44
Gənclər və idman naziri Fərid Qayıbov Azərbaycanda səfərdə olan ABŞ-ın güləş üzrə məşqçiləri Con Smit və Salli Robertsi qəbul edib.

Supersport.Az-a nazirlikdən verilən məlumata görə, nazir qonaqları salamlayıb və ölkədə keçirəcəkləri görüşlərin faydalı olacağına inandığını bildirib.

Səmimi qəbula görə təşəkkür edən mütəxəssislər Azərbaycan idmanı ilə yaxından maraqlandıqlarını və idmançıların uğurları barədə məlumatlı olduqlarını vurğulayıblar.

Görüşdə nazir müavini Mariana Vasileva, idman şöbəsinin müdiri Elnur Məmmədov, ABŞ-ın Azərbaycandakı səfirliyinin məsul əməkdaşı Fərqani Əliyev də iştirak edib.

Qeyd edək ki, Con Smit 1987 - 1992-ci illərdə ardıcıl 6 dəfə sərbəst güləş üzrə dünya çempionu olub. O, 1988-ci ildə Seul, 1992-ci ildə isə Barselona olimpiadasında qızıl medal qazanıb. Sabiq qadın güləşçi Salli Roberts 2003 və 2005-ci illərdə dünya çempionatlarında bürünc medala yiyələnib.

Digər xəbərlər