"Səbail" çətinliklə mərhələ adladı

"Səbail" çətinliklə mərhələ adladı
Futbol
24 Yanvar 2021 - 16:55
Bu gün futbol üzrə Azərbaycan Kubokunda 2020/2021 mövsümü başlayıb.

Supersport.Az xəbər verir ki, 1/8 final mərhələsində 4 matç baş tutacaq.

Qarşılaşmalar iki gündə olacaq.

İlk oyun günündə "Səbail" I Divizion təmsilçisi "Zaqatala"nı qəbul edib. Komandalar ilk dəfə ölkə kubokunda üz-üzə gəlib.

"Səbail" Premyer Liqada 13 oyundan sonra 13 xalla 6-8-ci pillələri bölüşdürür. "Zaqatala" isə I Divizionda 11 matçda 19 xal toplaya bilib və hazırda 4-5-ci sıraları bölüşdürür. 1/8 final mərhələsi bir oyundan ibarət olduğu üçün qələbə qazanan "Səbail" 1/4 finalda "Sumqayıt"a rəqib olacaq.

Azərbaycan Kuboku, 1/8 final

24 yanvar (bazar)

15:00. “Səbail” – “Zaqatala” 3-2 

Qollar: Amil Yunanov, 26-pen, Adil Nağıyev, 62, Əfran İsmayılov, 84 - Roil İsmayılov, 31, 41

Hakimlər: Namiq Bəkirov, Namiq Hüseynov, Eyyub İbrahimov, Rövşən Rəcəbov

Hakim-inspektor: Babək Quliyev

AFFA nümayəndəsi: Mübariz Hüseynov

ASCO Arena.

Qeyd edək ki, 1/8 finalın digər 3 oyunu yanvarın 25-də gerçəkləşəcək. "Turan Tovuz" "Qəbələ"ni, "Sabah" "Kəpəz"i, "Qaradağ Lökbatan" isə "Zirə"ni qəbul edəcək.

Digər xəbərlər