Ordumuza maliyyə dəstəyi - Rəşad Sadıqov, Maksim Medvedev, Qara Qarayevdən...

Supersport.Az-ın məlumatına görə, bəzi futbolçular, bir məşqçi Azərbaycan Silahlı Qüvvələrinə Yardım Fonduna kömək edib.

"Zirə"nin baş məşqçisi Rəşad Sadıqov ordu üçün maddi dəstək olaraq 50 min, "Qarabağ"ın kapitanı Maksim Medvedev, həmçinin digər oyunçusu Qara Qarayev hərəyə 10 min manat köçürüb.

Əlavə edək ki, prezident Heydər Əliyevin 2002-ci il 17 avqust tarixli Fərmanı ilə yaradılıb. Fond Azərbaycan Silahlı Qüvvələrinin inkişafı və maddi-texniki bazasının möhkəmləndirilməsi məqsədilə formalaşıb.