Azərbaycan Azarkeşlər Birliyi təsis olundu

Ölkəmizdə Azərbaycan Azarkeşlər Birliyi (AAB) təsis edildi.

Supersport.Az xəbər verir ki, Atanur Cəfərli tərəfindən qurulan AAB müxtəlif idman növlərində yerli və xarici komandaların azarkeşlərini birləşdirən ictimai birlikdir. Birlik Azərbaycan azarkeşlər birliyi olaraq ölkəmizdə fəaliyyət göstərən yerli və xarici komandaların azarkeş qrupları ilə birgə əməkdaşlıq edir.

AAB-ın  məqsədi Azərbaycan idmanına xüsusilə də futboluna dəstək olmaq və azarkeş mədəniyyətinin formalaşmasında yaxından iştirak etməkdir.

Qurum karantin dövrünü nəzərə alaraq hazırda fəaliyyətini sosial şəbəkələr üzərindən qurmağa çalışır. fb.com/azerbaijansupporters səhifəsi Azərbaycan azarkeşlər birliyinin rəsmi səhifəsidir və səhifədə azarkeş qrupları haqqında paylaşımlar olacaq.

Eyni zamanda Azərbaycan çempionatı, klublarımız və oyunçular haqqında müzakirələr, canlı yayımlar, mütəxəssis rəyi və hüquqi yanaşmalar səhifədə öz əksini tapacaq.