Bir müddət vətəni Portuqaliyada olan “Yuventus”un futbolçusu Kriştiano Ronaldo 30 milyon avroluq şəxsi təyyarəsində İtaliyaya qayıdıb.
Supersport.Az-ın xarici mətbuata istinadən məlumatına görə, 35 yaşlı hücumçu Turində iki həftə karantində olacaq, ardından mayın 18-də komanda ilə məşqlərə başlaya biləcək. “Yuventus” hazırlığa başlamazdan əvvəl bütün futbolçuları testdən keçirəcək.
Xatırladaq ki, Ronaldo insult keçirən anasını ziyarət etmək üçün martın 9-da Portuqaliyaya getmişdi. Daha sonra o, koronavirus pandemiyasına görə ailəsi ilə birlikdə Madeyra adasında karantində qalıb.
