"Qarabağ" Albaniyaya gedir

Supersport.Az-ın məlumatına görə, "Qarabağ" dünən Avstriyada son məşqinə çıxıb.

Son hazırlıq yerli vaxtla 18:00-da (Bakı saatıyla 20:00) start götürüb və təxminən 90 dəqiqə davam edib. Futbolçularımız isinmə hərəkətlərinin ardından taktiki çalışmaları yerinə yetirib. Məşq ikitərəfli oyunla başa çatıb.

Qeyd edək ki, "Qarabağ" bu gün "Partizani" ilə oyunun keçiriləcəyi Albaniyanın Tirana şəhərinə yollanacaq.