"Qalatasaray" "Beşiktaş"ı məğlub etdi
Futbol
05 May 2019 - 22:07
- Supersport.Az-ın məlumatına görə, bu gün İstanbulda Superliqanın 31-ci turunda "Qalatasaray" - "Beşiktaş" derbisi keçirilib. Meydan sahibləri 2 qolla qalib gəlib.
Bakı vaxtıyla 20:00-da başlayan oyunu baş hakim Bülənt Yıldırım idarə edib.
"Qalatasaray" - "Beşiktaş" 2-0
Qollar: Onyekuru 44, Fernando 55
Bu qarşılaşma çempionluq yolunda hər iki komanda üçün mühümdür.
"Beşiktaş" 66 qolla ən çox fərqlənib.
"Qartallar"ın əsas silahı Burak Yılmaz meydana buraxılsa Superliqada 300-cü matçına çıxacaq.
"Beşiktaş", "Qalatasaray", "Trabzonspor", "Fenerbahçe", "Eskişehirspor" və "Manisaspor" formalarıyla 299 oyun keçirən təcrübəli futbolçu, 175 qol vurub.
33 yaşlı forvard son 6 qarşılaşmada 7 dəfə rəqib qapılarına yol tapıb. Dövrəarasında transfer edilən futbolçu, 12 matçda 11 qol vurub.
Burakla Kuarejma bu oyunda sarı vərəqəylə cəzalansa, növbəti turu buraxacaq.
Komandada Qari Medel zədəlidir.
"Beşiktaş"ın təxmini derbi heyəti:
Loris Karius, Gökhan Gönül, Domaqoy Vida, Nikolas Isimat-Mirin, Adriano Korreya, Atiba Hatçinson, Dorukhan Toköz, Lens Cermeyn (Rikardo Kuarejma), Adem Lyaiç, Caner Erkin, Burak Yılmaz.
"Qalatasaray"da zədəli Konstantinos Mitroğlunun durumu oyun saatında müəyyənləşəcək.
"Sarı-qırmızılı" komandada Yunes Belhanda, Emre Akbaba, Martin Linnes və Emre Taşdemir sarı vərəqəylə cəzalansa, 32-ci turu buraxacaq.
"Qalatasaray" meydanında qələbə qazansa, 35-ci məğlubedilməzlik rekordunu yeniləyəcək.
"Türk Telekom Stadionu"nda son 34 oyunu uduzmayan "Aslanlar", 1996-1998-ci illərdə evində 35 oyunun 29-da qalib gəlib, 6-da heç-heçə edib.
"Qalatasaray" ən çox məğlubedilməz olaraq, 2016-2017-ci il mövsümünün 30-cu turundan indiyə qədər komanda meydanında 29 qələbəyə sevinib, 5 oyunda bərabərə qalıb.
"Qalatasaray" son 16 matçda məğlubiyyəti unudub, 14-cü turda "Beşiktaş"a bir qolla uduzduqdan sonra 10 qələbə qazanıb, 6 heç-heçə edib.
"Aslanlar"ın seneqallı futbolçusu Mbaye Dian "Qartallar"ın qapısına yol tapsa, rekorda şərik olacaq.
Superliqada "Kasımpaşa" formasıyla 20, "Qalatasaray"da isə 8 qol sevinci yaşayan Dian, derbidə fərqlənsə hazırkı komandasının keçmiş oyunçusu Bafetimbi Qomisin rekordunu təkrarlayacaq.
Qomis, ötən mövsüm 33 çempionat oyununda 29 qol vuraraq Superliqada bir sezonda ən çox qol vuran əcnəbi oyunçu olub.
"Qalatasaray"ın təxmini derbi heyəti:
Fernando Muslera, Mariano Filho, Kristian Luyindama, Markao, Martin Linnes (Yuto Naqatomo), Fernando Reges, Badu Ndiaye, Sofyan Fequli, Yunes Belhanda, Henri Onyekuru, Mbaye Dian.
Vüsal Şirəliyev
| # | Komanda | O | Q | H | M | V | B | T-F | Xal |
|---|---|---|---|---|---|---|---|---|---|
| 1 | Medipol Başakşehir | 31 | 18 | 9 | 4 | 45 | 18 | 27 | 63 |
| 2 | Galatasaray | 30 | 17 | 9 | 4 | 62 | 29 | 33 | 60 |
| 3 | Beşiktaş | 30 | 17 | 8 | 5 | 66 | 39 | 27 | 59 |
| 4 | Trabzonspor | 30 | 15 | 8 | 7 | 53 | 39 | 14 | 53 |
| 5 | Aytemiz Alanyaspor | 30 | 12 | 6 | 12 | 32 | 35 | -3 | 42 |
| 6 | Antalyaspor | 30 | 12 | 6 | 12 | 34 | 47 | -13 | 42 |
| 7 | Yeni Malatyaspor | 30 | 11 | 8 | 11 | 41 | 40 | 1 | 41 |
| 8 | Çaykur Rizespor | 31 | 9 | 13 | 9 | 43 | 43 | 0 | 40 |
| 9 | Atiker Konyaspor | 30 | 8 | 14 | 8 | 33 | 33 | 0 | 38 |
| 10 | Kasımpaşa | 31 | 11 | 5 | 15 | 49 | 56 | -7 | 38 |
| 11 | Sivasspor | 31 | 9 | 10 | 12 | 41 | 45 | -4 | 37 |
| 12 | Fenerbahçe | 31 | 8 | 13 | 10 | 38 | 42 | -4 | 37 |
| 13 | Kayserispor | 30 | 9 | 10 | 11 | 29 | 41 | -12 | 37 |
| 14 | MKE Ankaragücü | 31 | 10 | 7 | 14 | 33 | 48 | -15 | 37 |
| 15 | BB Erzurumspor | 31 | 7 | 11 | 13 | 33 | 39 | -6 | 32 |
| 16 | Göztepe | 30 | 9 | 3 | 18 | 28 | 37 | -9 | 30 |
| 17 | Bursaspor | 31 | 5 | 15 | 11 | 25 | 36 | -11 | 30 |
| 18 | Akhisarspor | 30 | 6 | 7 | 17 | 30 | 48 | -18 | 25 |
