"Qalatasaray" azərbaycanlı şəxsin köməyilə Messini almaq istəyir

Supersport.Az-ın məlumatına görə, "Qalatasaray" "İnter Mayami"nin futbolçusu  Lionel Messini almağa çalışır.

İstanbul klubunun azərbaycanlı işadamı Adnan Əhmədzadənin sponsorluğuyla argentinalı Messini heyətinə cəlb etmək üçün hərəkətə keçdiyi bildirilir. 

Türkiyə mətbuatı belə xəbər yayıb. 

Bir müddət əvvəl A.Əhmədzadə Messini Bakıya gətirmişdi. Lionel Messinin gəlməsi üçün 8 milyon dollar xərcləndiyi xəbəri yayılmışdı.

Qeyd edək ki, 37 yaşlı Messinin transfer qiyməti 25 milyon avrodan 20 milyona düşüb. Argentinalı futbolçunun "İnter Mayami"ylə müqaviləsinin müddəti gələn il dekabrın sonunda bitəcək. 2018-ci ildə Messinin qiyməti 180 milyon avro olub.