Mahir Emreli 4-cü qolunu 57 min tamaşaçı önündə "Hamburq"a vurdu - Video
Futbol, Eksklüziv, Video
471
03 Noyabr 2024 - 22:06
Almaniya 2-ci Bundesliqasında 11-ci turun oyunları keçirilir.
Supersport.Az xəbər verir ki, Azərbaycan millisinin hücumçusu Mahir Emrelinin formasını geyindiyi "Nürnberq" səfərdə "Hamburq"la qarşılaşıb.
Hamburq klubunun futbolçusu Daniel Elfadlı 15-ci dəqiqədə hesabı açsa da, Mahir Emreli 63-cü dəqiqədə bərabərlik qolunu vurub.
Matçı 57 min tamaşaçı canlı izləyib və Mahirin komandası səfərdə xal qazanıb.
Azərbaycanlı forvard "Nürnberq"in heyətində artıq 4 qol vurub.
Almaniyanın 2-ci Bundesliqasında 18 klub mübarizə aparır və "Hannover" 22 xalla birinci, sonrakı iki yeri 20 xala malik "Paderborn" və "Fortuna Düsseldorf" tutur. "Hamburq"la "Karlsrue" 19 xalla 4-5-ci, "Nürnberq" 17 xalla 6-cı pillədə qərarlaşıb.
