"Qarabağ"ın milyonlar təklif olunan futbolçusu ayrılmaq istəyir
Futbol, Eksklüziv
1043
01 Noyabr 2024 - 12:07
Supersport.Az-ın əldə etdiyi məlumata görə, "Qarabağ"ın aparıcı futbolçularından biri Yassin Benzia xarici klubların diqqət mərkəzindədir.
Əlcəzairli yarımmüdafiəçiyə ərəblər milyonlar təklif edib və o, getmək istəyindədir.
"Qarabağ" qış fasiləsində Benzia ilə bağlı qərar verəcək. Futbolçu ayrılsa, klub da qazanc əldə edəcək.
Qeyd edək ki, Lion "Olimpik"inin yetirməsi olan Yassin Benzia Fransada "Lill" və "Dijon"da da, Türkiyənin "Fenerbahçe", "Hatayspor", Yunanıstanın "Olimpiakos" klubunda çıxış edib. 30 yaşlı futbolçunun "Qarabağ"la müqaviləsi 2025-ci ilin yayına qədərdir. Benzianın qiyməti 1 milyon 200 min avrodur.
