"Mahir Emreliylə müqavilə imzalamağımız bizi qürurlandırır" - "Nürnberq"in idman direktoru

Supersport.Az-ın məlumatına görə, Almaniyanın "Nürnberq" klubunun idman direktoru Joti Chatzialexiou Azərbaycan millisinin hücumçusu Mahir Emrelinin keçidinə münasibət bildirib. 

"Biz şüurlu şəkildə bu transferə qərar verdik, çünki Mahirin keyfiyyətli futbolçu olmasına əminik. Mahir beynəlxalq səviyyədə təcrübəli hücumçudur və qol vurmaq bacarığını göstərib. FC Nürnberg olaraq bu kateqoriyadan bir oyunçu ilə müqavilə imzalamağımız bizi qürurlandırır. Biz Mahirin meydana çıxmağını səbirsizliklə gözləyirik və onun zədəsinin sağalması prosesində ona mümkün olan ən yaxşı dəstəyi göstərəcəyik".